Աղմուկի ազդեցությունը մարդու քաշի վրա. 1in.am

Շվեդ գիտնականների նոր հետազոտությունը ենթադրում է, որ ավտոմեքենաների չդադարող աղմուկը կարող է նպաստել քաշի ավելացմանը, հայտնում է newsyou.info-ն:

Նրանց կարծիքով՝ ավտոմեքենաների մշտական աղմուկը փոխում է քաշի ավելացման գործակիցը: Այդ եզրակացության հանգելու համար գիտնականները 4 տարի ուսումնասիրել են 5075 մարդու տվյալներ:

Հետազոտության արդյունքները ցույց են տվել, որ աղմուկի բարձրության յուրաքանչյուր դեցիբել ավելացումը նպաստում է գոտկատեղում 0.21 սմ ավելացման:

Գիտնականները դա չեն բացատրում, սակայն նրանց կարծիքով այդ կապն ակնհայտ է: Հետազոտական խումբը ենթադրում է, որ քաշի ավելացման պատճառ կարող է լինել լրացուցիչ լարվածությունը, որn առաջանում է ճանապարհային աղմուկի գրգռիչ ազդեցությունից:

Հարցեր, պատասխաններ, մեկնաբանություններ